उल्हासनगर महापालिकेचा कारभार आत्ता कंत्राटी कर्मचाऱ्यांच्या हाती!
40% कंत्राटी कामगार
मुंबई/ प्रतिनिधी:- दत्तात्रेय अवघडे
उल्हासनगर महापालिकेच्या एकूण मंजूर पदा पैकी ४० टक्के पदे कंत्राटी कामगाराची असल्याचे उघड झाले . यामुळे महापालिकेच्या कारभारावर प्रश्नचिन्ह उभे राहिले असून शासनाने नवीन आकृतीबंद पदाला शासनाने मंजुरी दिल्यास १ हजार पेक्षा जास्त पदाची भरती होणार असल्याचे संकेत आयुक्त मनिषा आव्हाळे यांनी दिले .
उल्हासनगर महापालिकेच्या नवीन मंजूर आकृतीबंधानुसार , एकूण ३०४० पदे निश्चित करण्यात आली . आकृतीबंद पदे मंजुरीसाठी शासनाकडे पाठविले असून त्याला मंजुरी मिळताच रिक्त १२८२ पदे भरण्यात येणार असल्याचे संकेत आयुक्त मनिषा आव्हाळे यांनी दिली .
महापालिका कारभार चालविण्यासाठी खाजगी ठेकेदाराद्वारे ११०० पेक्षा जास्त विविध पदासाठी कंत्राटी कामगारांची भरली केली असून त्याची टक्केवारी ४० वर गेली . याउलट , महापालिकेच्या कायमस्वरूपी कर्मचाऱ्यांची संख्या आता केवळ १ ९ ६० इतकी राहिली आहे . म्हणजेच , महापालिकेचा कारभार आता कंत्राटी कर्मचाऱ्यांच्या हाती गेला . नियक्त केलेले बहतांश कंत्राटी कामगारस्थानिक नेते , महापालिका अधिकारी व कर्मचाऱ्याचे नातेवाईक असल्याने , महापालिका कारभारात गोंधळ निर्माण झाला आहे . महापालिका अधिकारी , कर्मचारी आणि स्थानिक राजकीय नेत्यांचे ‘ जवळचे ‘ असतील , तर महापालिकेच्या गुप्त आणि संवेदनशील माहितीची सुरक्षितता धोक्यातयेणारं ही मात्र नक्कीच महापालिकेच्या कार्यक्षमतेवर आणि पारदर्शकतेवर मोठे प्रश्नचिन्ह निर्माण झाले आहे .
या प्रकारामुळे योग्य उमेदवारांना संधी मिळत नाही , तसेच लोकमत प्रशासकीय कामकाजात वशिलेबाजीला प्रोत्साहन मिळते .
महापालिकेने या गंभीर विषयाकडे तातडीने लक्ष देऊन या नेमणुकांची कसून चौकशी करावी , अशी मागणी जोर धरू लागली आहे . उल्हासनगरकरांना आता यावर महापालिका आणि सत्ताधारी पक्षाकडून स्पष्टीकरण मिळण्याची प्रतीक्षा आहे .
आकृतीबंद पदे शासनाकडे मंजुरीसाठी
उपायुक्त दिपाली चौगुले महापालिका कारभारासाठी विविध खाजगी ठेकेदारा मार्फत एकूण ११०० पेक्षा जास्त कंत्राटी कामगारनियुक्त केले . खऱ्या अर्थाने विविध पदे जरी भरली तर त्या पदाला न्याय देणे इतपत कर्मचाऱ्यांच्या कामांमध्ये पारदर्शकता असावी असे सर्वसामान्य नागरिकांकडून बोलले जात आहे.
