उल्हासनगर आणि कल्याणला जोडणाऱ्या शहाड पुल लवकरच वाहतुकीस खुला होणार!
मुंबई/ प्रतिनिधी : दत्तात्रय अवघडे
उल्हासनगर आणि कल्याण शहरात वाहनांची प्रचंड वाढ झाली आहे आणि या भागात नागरिकांचे मोठ्या प्रमाणात स्थलांतरही होत आहे . त्यामुळे
या दोन शहरांदरम्यान वाहनाने प्रवास करणाऱ्यांची संख्या दिवसेंदिवस वाढत आहे . मात्र काही दिवसांपासून या दोन्ही शहरांना जोडणारा अत्यंत महत्त्वाचा पूल दुरुस्तीसाठी बंद होता , त्यामुळे वाहनचालकांना मोठा त्रास सहन करावा लागत होता .
आता यासंदर्भात एक अत्यंत महत्त्वाची अपडेट समोर आली आहे . नेमकी ही अपडेट वाहनचालकांना दिलासा देणारी आहे की अजून काही दिवस त्रास सहन कराला लागणाक का ते पाहणे महत्त्वाचे ठरणार आहे .
शहाड पूल हा कल्याण आणि उल्हासनगर भागातील महत्त्वाचा दुवा आहे . दररोज हजारो नागरिक या पुलाचा वापर करतात . पुलावरील रस्ता जीर्ण झाल्यामुळे याला दुरुस्तीची गरज स्पष्टपणे जाणवत होती . अखेर गेल्या आठवड्यात प्रशासनाने पूल संपूर्णपणे बंद करून काम सुरू केले . त्यामुळे या मार्गावरून जाणाऱ्या वाहनांना पर्यायी मार्गांचा वापर करावा लागत होता . या बदलामुळे काही भागांत वाहतूक कोंडी देखील झाली होती .
पुलाची मजबुती वाढवण्यासाठी आधी स्ट्रक्चरल तपासणी करण्यात आली . त्यानंतर खराब झालेल्या भागांची दुरुस्ती करण्यात आली आहे . पुलाच्या पृष्ठभागावर नवीन डांबराचा थर घातल्यानंतर वाहने अधिक सुरळीतपणे आणि सुरक्षितपणे जावू शकतील . याशिवाय पुलाची रंगरंगोटी , सुरक्षा चिन्हे , रेलिंगची तपासणी यांसारखी कामेही केली जात आहेत . अधिकारी सांगतात की , या सर्व कामांनंतर पूल पूर्वीपेक्षा अधिक सुरक्षित होईल
पुलाचे डांबरीकरण पूर्ण झाल्यानंतर वाहतूक पुन्हा सुरू करण्याबाबत प्रशासन लवकरच निर्णय घेणार आहे . नागरिकांना आणि वाहनचालकांना होणाऱ्या गैरसोयीची दखल घेत काम वेगाने पूर्ण करण्याचा प्रयत्न सुरू आहे . येत्या काही दिवसांत पुलावर पुन्हा वाहतूक सुरू झाली की उल्हासनगर – कल्याण प्रवास अधिक सोपा आणि जलद होणार आहे
उल्हासनगर आणि कल्याण शहरातील नागरिकांसाठी शहाड पुलाचे महत्त्व लक्षात घेता , हा पूल लवकरच सुरक्षित आणि नव्या रूपात खुला होणार असल्याची माहिती अधिकाऱ्यांनी दिली . कामाची गती पाहता , पुलाचा वापर करणाऱ्या वाहनचालकांना लवकरच मोठा दिलासा मिळणार आहे .
