भिगवन मध्ये पुन्हा खाजगी सावकाराने काढले डोके वर
८५ हजारांचे ६ लाख देऊनही पैशांसाठी दमदाटी
भिगवन/ प्रतिनिधी
खाजगी सावकाराच्या विळाख्यामध्येअनेक गरजू नागरिकांना मोठ्या नाहक त्रासाला सामोरे जावे लागले आहे परिणामी अनेक संसार ही उघड्यावर पडले आहेत याचीच प्रचिती भिगवन मध्ये पुन्हा पहावयास मिळाले आहे ,
सन २०१ ९ मध्ये खासगी सावकार महिलेकडून २० टक्के व्याजाने घेतलेल्या ८५ हजार रुपयांच्या मोबदल्यात २०२५ पर्यंत सहा लाख रुपये फेडूनही आणखी पैशाचा तगादा मागे लावणाऱ्या खासगी सावकार महिलेसह भिगवण पोलिसांनी महाराष्ट्र सावकारकी अधिनियमांतर्गत गुन्हा दाखल केला आहे .
रेश्मा नरेंद्र जगताप व प्रेम जगताप भिगवण , ता . इंदापूर असे गुन्हा दाखल झालेल्यांची नावे आहेत . सीताराम नारायण लांडगे ( वय ५४ , रा . भिगवण ) यांनी याबाबत फिर्याद दाखल केली आहे . या खासगी सावकारीच्या व्यवहाराला कृष्णा भिसे व अनिकेत भिसे हे साक्षीदार असल्याचे फिर्यादी लांडगे यांनी म्हटले आहे . पोलिस सूत्रांनी दिलेल्या माहितीनुसार , सीताराम लांडगे यांनी घराच्या डागडुजीला ओळखीची महिला रेश्मा जगताप हिला आर्थिक मदत मागितली . परंतु , आपण व्याजा
धंदा करते , तुम्हाला पाहिजे असतील तर २० टक्के आठवडाप्रमाणे देऊ , असे सांगितले होते . पैशाची अडचण असल्याने लांडगे यांनी फेब्रुवारी २०१ ९ मध्ये टप्प्याटप्प्याने ८५ हजार घेतले . त्यानंतर पाच ते सहा महिने १६ हजार रुपये आठवडाप्रमाणे व नंतर ३ हजार आठवडाप्रमाणे आत्तापर्यंत ६ लाख रुपये लांडगे यांनी फेडले . यास कृष्णा भिसे व अनिकेत भिसे साक्षीदार होते . दरम्यान , नोव्हेंबर २०२५ मध्ये व्याजाचे पैसे देता येत नाही , असे सांगूनही रेश्मा व प्रेम जगताप यांनी घरी येऊन दमदाटी करीत, गंभीर गुन्हे दाखल करू वगैरे धमकी लांडगे यांना देण्यात आली . यावरून लांडगे यांच्या फिर्यादीवरून रेश्मा व प्रेम जगताप यांच्याविराधात महाराष्ट्र सावकारकी अधिनियमांतर्गत गुन्हा दाखल करण्यात आला आहे , मात्र अश्या प्रकारे किती गुन्हे दाखल झाले तरी सावकारांना कायच फरक पडत नसल्याचे दिसून येत आहे, वास्तविक पाहता यांचा कायमस्वरूपी बंदोबस्त होणे गरजेचे आहे जेणेकरून सावकारकीचा विचार करण्याचे धाडस कोणी करू शकत नाही असे नागरिकांकडून बोलले जात आहे
