उपबाजार भिगवण मार्केटमध्ये शेतमाल लिलाव पुर्ववत सुरु- सभापती मा. तुषार जाधव*
भिगवण/ प्रतिनिधी
उपबाजार भिगवण येथील भुसार शेतमाल लिलाव कामकाज रविवार दि. 02/11/2025 रोजी पासुन पुर्ववत सुरु झालेले आहे. असे मत बाजार समितीचे सभापती मा. तुषार जाधव, उपसभापती मा. मनोहर ढुके व माजी सभापती मा. आप्पासाहेब जगदाळे यांनी व्यक्त केले आहे.
मुख्य बाजार इंदापूर येथे चालु सप्ताहात दैनंदिन डाळींब रु. 31 ते 201/-, सिताफळ रु. 10 ते 55/-, ड्रॅगन फ्रुट रु. 40 ते 101/-, पेरु रु. 7 ते 31/- प्रति किलो, तर कांदा प्रति क्विंटल रु. 500 ते 2500/- या दराने विक्री झालेली आहे.
*सद्या मका शेतमालाचे बाजारभाव कमी झाल्याने इंदापूर बाजार समिती लवकरच मका शेतमाल हमीभाव केंद्र व शेतमाल तारण योजना राज्य शासनाच्या मार्गदर्शनाखाली सुरु करणार आहे. जेणेकरुन शेतकऱ्यांना आपला शेतमालाला जादा दर मिळणेस मदत होईल.* बाजार समितीने शेतकरी बांधवांच्या शेतीमालास चांगला दर मिळावा या उद्देशाने मुख्य बाजार इंदापूर अकलुज रोडलगतच्या बाजार आवारात धान्य सफाई यंत्र सुविधा उभारली असुन प्रति तास 5 मे. टन क्षमतेने धान्य सफाई केली जाते. तसेच इंदापूर बाजार समितीने शेतमाल तारण योजनाही बाजार समिती सुरु केलेली आहे. याचा फायदा शेतमाल बांधवांनी घ्यावा. बाजार समितीने मुख्य बाजार इंदापूर मार्केट 60 मे. टन, शिवलिलानगर-इंदापूर अकलुज रोडलगत 80 मे. टन, उपबाजार भिगवण, निमगांव-केतकी व वालचंदनगर चे ठिकाणी 60 मे. टन व क्षमतेचे भुईकाटा (वे-ब्रिज) असुन त्यांची 24 तास सेवा उपलब्ध आहे.
शेतकरी बांधवांनी बाजार समितीचे विविध योजना व उपक्रमाचा लाभ घ्यावा असे आवाहन इंदापूर बाजार समितीचे सभापती श्री. तुषार जाधव, उपसभापती श्री. मनोहर ढुके, माजी सभापती मा. आप्पासाहेब जगदाळे यांनी केलेले आहे. यावेळी संचालक माजी आमदार श्री. यशवंत(तात्या) माने, श्री. विलासराव माने, श्री. दत्तात्रय फडतरे, श्री. मधुकर भरणे, श्री. रोहित मोहोळकर, श्री. संग्रामसिंह निंबाळकर, श्री. संदिप पाटील, सौ. रुपालीताई संतोष वाबळे, सौ. मंगलताई गणेशकुमार झगडे, श्री. आबा देवकाते, श्री. संतोष गायकवाड, श्री. अनिल बागल, श्री. दशरथ पोळ, श्री. रोनक बोरा, श्री. सुभाष दिवसे व प्र. सचिव श्री. संतोष देवकर उपस्थित होते.
